Blogtrottr

明星八掛大分享★☆ :: 痞客邦 PIXNET ::

編輯室手記見生果開眼

Jan 22nd 2015, 12:33

盧婆婆將記者送的生果放在地上（右下角），說到領匯即眉飛色舞，連聲「×街」。

編輯室手記

見生果開眼

Ads by Google

做過本刊記者，都一定試過「摸門」。摸門是行內術語，即記者要厚住臉皮走去受訪者屋企，邀請做訪問或攞料。空手上去唔掂嘅，有番啲「道具」就唔同講法。

今期《壹號頭條》講領匯賣商場及車位俾炒家，結果炒家拆骨圖利賺到笑。編輯即刻諗起當年入稟阻止領匯上市、仲識「敲董建華個老虎頭」嘅盧少蘭婆婆。得知盧婆婆健在，記者 Maggie上週摸去佢屋企。當時盧婆婆在家，但心情煩躁，落閘拒絕受訪。過幾天， Maggie經同事點醒，帶來「道具」、一袋價錢二十元的蘋果及橙，再次來到盧婆婆家門。「盧婆婆，我買咗生果來呀！」無反應。 Maggie蹲下來，在鐵閘罅中揚了揚手上生果。這時盧婆婆望一望，確定無呃佢，即時開門，開心讚 Maggie是好記者，做得相當出色！
呢類摸門情景，財經組同事個個有經歷。另一記者 Gary拎生果籃搵灣仔碼頭臧姑娘，怎料臧姑娘入了醫院，佢於是順手拎埋生果探病，結果成功做訪問。而 Isis的經驗仲妙，佢試過帶生果籃搵鏞記太子爺，對方拒絕開門。 Isis情急智生：「個籃好重呀，你開門先講啦，你開門幫我拎住先啦！」對方又竟然肯開門，講了幾句。

(繼續閱讀...)

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions