諗到開拍《她消失以後》( The Disappearance of Eleanor Rigby: Him),搭《離開他以後》( The Disappearance of Eleanor Rigby: Her)的,可算是天才。天才的策略如下:一對夫婦,女兒過身,關係生變,老婆離家出走,咁都拍到兩套戲。《她消失以後》以老公角度出發,講解老婆走後自己有幾失落有幾淒涼;《離開他以後》以老婆角度出發,講解點解要離開老公再如何自救。不是前篇後篇有連貫性的發展,也不是湊佳苗小說般透過不同人物的觀點拆解一道羅生門,只係將一個普通愛情故事拍成兩齣普通電影,就好似唔普通。同一班主要演員,男女主角相遇時,順理成章在兩邊同樣出現。重複?係呀,兩齣電影加埋接近二百分鐘,有二十分鐘或更多是要你睇完再睇。
留言列表